Comune di Castions di Strada

Lis aministrazions di Cjasteons, Listize, Mortean e Talmassons a àn disvilupât un progjet di comunicazion pai zovins: il teme al è chel dal sparagn, ricicli e rispiet dal ambient, dutun cu la sô culture e lenghe.  Sul cuader a son i simbui di: "Foreste sostenibili" (par ogni arbul taiât al è stât subit plantât un altri); "Senza acidi" (te fabricazion de cjarte non si doprin acits); "Totalmente privo di cloro" (par fâ blancje la celulose nol è stât doprât il clôr). Dongje dal cuader, penis di ogni colôr, cu la scrite:  ridûs, ricile, recupere. Legambiente regjonâl e la Provincie di Udine a àn dât il patrocini. Cuant che si cjacare di rispiet de biodiviersitât, tal concret, si à di cjapâ dentri nature-mangjâ-culture e duncje, sint in Friûl, ancje la lenghe furlane. Plui si va indenant plui l'om al cumbine disastris, consumant teritori, straciant ce che la nature e prodûs. Ognidun al à di miorâ i siei compuartaments e fâ la sô part...començant dai piçui: "It's always the small people who change things". I cuaders a vignaran dâts intant ai fruts des IV° e V° primariis e I° medie, cualchi copie si podarà cjatâ tes bibliotechis...